Для каго: індывідуальныя мастакі(-чкі) і творчыя калектывы з любой краіны. Для падачы на R.E. Award 2026 патрэбна мець не менш за 5 гадоў мастацкага досведу. Для r.e. award 2026 мінімальны досвед не патрабуецца.

R.E. Award 2026 і r.e. award 2026 — незалежныя мастацкія прэміі, якія аб’ядноўваюць рэзідэнцыю, даследаванне і магчымую выніковую прэзентацыю.

Праграму супольна арганізуюць:

– Artist Support Project / ASP у Джак’якарце, Інданезія;
– Project Space hazi у прэфектуры Аіці, Японія.

Тэма 2026 года — «Трохкропкавая перспектыва». Арганізатары прапануюць разглядаць тры пункты назірання: месца, дзе мастак(-чка) знаходзіцца цяпер, ASP і hazi. Праграма запрашае пераасэнсаваць геаграфічныя і канцэптуальныя межы і развіць новыя формы мастацкага выказвання.

1. R.E. Award 2026: плануецца адабраць каля 2 мастакоў(-чак) або калектываў.

Прапануецца:

• Падтрымка да 100 000 JPY / каля 550 EUR;
• Рэзідэнцыя працягласцю прыкладна адзін месяц у ASP, hazi або ў абедзвюх прасторах;
• Прастора для даследавання, эксперыментаў і мастацкай працы;
• Магчымасць правесці выставу, варкшоп або іншую прэзентацыю напрыканцы рэзідэнцыі.

2. r.e. award 2026: плануецца адабраць каля 3 мастакоў(-чак) або калектываў.

Прапануецца:

• Падтрымка да 30 000 JPY / каля 165 EUR;
• Рэзідэнцыя працягласцю ад 10 дзён да прыкладна аднаго месяца ў ASP, hazi або ў абедзвюх прасторах;
• Магчымасць правесці выставу, варкшоп або іншую прэзентацыю напрыканцы рэзідэнцыі.

Канчатковы памер падтрымкі, даты, працягласць рэзідэнцыі і фармат прэзентацыі будуць узгадняцца асобна.

Перыяд рэзідэнцый: кастрычнік 2026 — жнівень 2027 года.

Рэзідэнцыя можа праходзіць у:

– ASP, Джак’якарта, Інданезія;
– hazi, прэфектура Аіці, Японія;
– Абедзвюх прасторах.

Удзельнікі(-цы), як правіла, самастойна пакрываюць:

– Дарогу;
– Пражыванне;
– Візавыя выдаткі;
– Страхаванне;
– Матэрыялы і вытворчасць;
– Штодзённыя і асабістыя выдаткі.

У ASP і hazi няма пастаяннай каманды. Мастакі(-чкі) павінны самастойна арганізоўваць побыт, перамяшчэнні, вытворчы працэс і графік.

Арганізатары па магчымасці прапануюць кансультацыі, каардынацыю, знаёмствы з мясцовымі супольнасцямі і падтрымку ў арганізацыі даследавання або прэзентацыі.

Пры неабходнасці яны могуць падрыхтаваць запрашэнне або пацверджанне рэзідэнцыі для візы ці іншай грантавай заяўкі, але не гарантуюць станоўчага выніку.