Для каго:

Маладыя аўтары(-кі), якія пішуць паэзію, прозу, эсэ, драматургію або займаюцца мастацкім перакладам. Пажаданы ўзрост — да 35 гадоў.

Што прапануецца:

• Асновы тэорыі паэзіі, прозы і мастацкага перакладу ад пастаянных выкладчыкаў(-ц) — Ульяны Верынай, Віктара Жыбуля, Марыны Казлоўскай і Андрэя Хадановіча;
• Разбор вашых тэкстаў і творчых заданняў разам з выкладчыкамі(-цамі) і групай;
• Лекцыі, майстар-класы і спецкурсы ад запрошаных беларускіх літаратараў(-ак), навукоўцаў, лінгвістаў(-ак), выдаўцоў і мастакоў(-чак) кнігі.

Калі: З лістапада 2026 да пачатку чэрвеня 2027 года. Звычайна чатыры заняткі на месяц, па суботах.

Што чакаецца ад удзельнікаў(-ц):

• Удзел у суботніх занятках;
• Выкананне творчых заданняў;
• Абмеркаванне ўласных тэкстаў і тэкстаў аднагрупнікаў(-ц).

Для заяўкі патрэбныя:

• Уласны твор або фрагмент твора любога жанру (паэзія, проза, эсэ, пераклад, драматургія) на беларускай або рускай мове, 3–10 старонак;
• Матывацыйны ліст з адказам на пытанне «Чаму я хачу паступіць у Школу маладога пісьменніка?»;
• Спіс з 5–10 кніг, якія паўплывалі на вас як на аўтара(-ку).

Усе тры часткі аб'яднайце ў адзін файл .docx або .doc. На першай старонцы абавязкова пазначце імя і прозвішча, дату нараджэння і найлепшы спосаб хутка з вамі звязацца. Файл назавіце паводле ўзору «Прозвішча_Імя», напрыклад Kupala_Janka.docx.

Як падавацца:

Дашліце файл на bellit.info@gmail.com з тэмай ліста «Школа 2026—2027».

Адбор:

Колькасць месцаў абмежаваная. Журы ацэньвае кожную заяўку. Водгукаў на заяўкі не даюць. Вынікі прыйдуць на email з заяўкі, а тыя, каго прымуць, атрымаюць ліст з пацвярджэннем.

Арганізатар: Міжнародны саюз беларускіх пісьменнікаў (МСБП).