Для каго:

Падавацца могуць аўтары(-кі) з любой краіны, якім на момант падачы ёсць 18 гадоў. Патрэбны дастатковы ўзровень кітайскай мандарынскай або англійскай мовы.

Тэмы набору 2027 года:

1. Flux and Imprints: Contemporary Echoes of Migration History
Праекты пра міжрэгіянальную мабільнасць, культурную рэканструкцыю і памяць. Тэма можа закранаць сямейныя гісторыі замежных кітайцаў, спадчыну каланіялізму ў Азіі, фармаванне ідэнтычнасці ў глабальных геапалітычных кантэкстах, архівы, вусныя гісторыі, асабістую памяць і вялікія гістарычныя наратывы.

2. Folds of Text: Cross-Media Intertextuality and Intervention
Тэма разглядае тэкст не толькі як пісьмовы знак, а як рухомую і дынамічную форму. Вітаюцца міждысцыплінарныя праекты на скрыжаванні літаратуры, лінгвістыкі, музыкі, гуку і візуальнага мастацтва.

Што прапануецца:

• Пакрыццё выдаткаў на візу;
• Пакрыццё дарогі ў абодва бакі;
• Страхоўка на перыяд рэзідэнцыі;
• Пражыванне — асобная кватэра або асобная лофт-студыя;
• Працоўная прастора;
• Тэхнічная і арганізацыйная падтрымка;
• Падтрымка на матэрыялы;
• Трансфер з аэрапорта;
• Пераклад і дапамога ў камунікацыі з мясцовай арт-сцэнай і інфармацыя пра лакальныя культурныя падзеі.

Дакладная сума падтрымкі на матэрыялы ў апісанні не пазначаная.

Даты рэзідэнцыі:
Ёсць два магчымыя перыяды:

• вясна 2027 года — сакавік–травень;
• восень 2027 года — верасень–лістапад.

Дакладныя даты будуць узгодненыя з адабранымі мастакамі(-чкамі) з улікам іх пажаданняў і графіку Sixi AiR.

Для заяўкі патрэбныя (па-англійску; калі магчыма, можна таксама дадаць кітайскую версію):

• CV з партрэтным фота;
• партфоліа з мастацкім досведам, выбранымі працамі, праектамі і прафесійнымі характарыстыкамі;
• прапанова рэзідэнцыйнага праекта.

У прапанове трэба апісаць:

• матывацыю падачы;
• бачанне рэзідэнцыі;
• папярэдні план працы;
• агульную канцэпцыю;
• патрэбы ў матэрыялах і абсталяванні;
• пажаданы перыяд рэзідэнцыі;
• пажаданы тып пражывання або працоўнай прасторы.

Міжнародным заяўнікам(-цам) раяць закласці дастаткова часу на візавы працэс — звычайна мінімум 2–3 месяцы.

Фінальны адказ абяцаюць даслаць не пазней за сярэдзіну лютага 2027 года.

Дэдлайн:
15 лістапада 2026 года, 23:59 GMT+8 / Beijing Time

Як падавацца:
Усе матэрыялы трэба сабраць у адзін PDF або ZIP-файл і даслаць на email: info@siximuseum.com

У тэме ліста трэба пазначыць: Residency Application

Матэрыялы, якія не адпавядаюць патрабаванням, разглядацца не будуць.