SURF Artist-in-Residence 2027 — рэзідэнцыя ў падземнай лабараторыі ў ЗША са стыпендыяй 5000 USD
Sanford Underground Research Facility (SURF) — найглыбейшая падземная лабараторыя ў ЗША: яна размешчаная на глыбіні 4850 футаў (≈ 1,5 км) у былой залатой шахце Homestake у горадзе Lead, штат Паўднёвая Дакота. Тут праводзяць эксперыменты ў фізіцы, біялогіі, геалогіі і інжынерыі. Рэзідэнцыя SURF AiR існуе з 2019 года ў партнёрстве з Black Hills State University і прапануе мастакам(-чкам) ствараць працы, натхнёныя лабараторыяй, яе даследаваннямі і гісторыяй шахты. Праграма пабудаваная па ўзоры рэзідэнцый National Park Service, CERN і Fermilab.
Для каго:
Мастакі(-чкі), якія працуюць з любымі медыя: візуальныя мастакі(-чкі), рэжысёры(-кі), пісьменнікі(-цы), музыкі і іншыя. Трэба мець моцны прафесійны досвед — значныя рэгіянальныя, нацыянальныя або міжнародныя выставы ці падобныя дакументальна пацверджаныя дасягненні.
Фармат:
- Чатыры тыдні на месцы летам — у перыяд з 22 траўня па 31 ліпеня 2027 года, дакладныя даты ўзгадняюцца з SURF;
- Тыдзень у кастрычніку 2027 года — мантаж выставы і лекцыі.
Прыкладная праграма на лета: інструктаж па бяспецы, спускі пад зямлю, вячэра з даследчыкамі(-цамі), экскурсіі па горадзе Lead і музеях, праца ў майстэрні і адна падзея для мясцовай супольнасці.
Што прапануецца:
- Стыпендыя 5000 USD ≈ 4350 EUR, выплачваецца ў дзве часткі;
- Магчымасць запытаць да 5000 USD ≈ 4350 EUR дадаткова на стварэнне працы — яны не гарантаваныя;
- Дарога (авіябілеты, арэнда аўтамабіля або кампенсацыя пробегу), пражыванне і суткавыя на абодва візіты;
- Майстэрня;
- Экскурсіі па наземнай і падземнай частках лабараторыі;
- Зваротная дастаўка прац — да 7000 USD ≈ 6100 EUR.
Што чакаецца ад рэзідэнта(-кі):
- Прайсці інструктаж па бяспецы і выконваць усе правілы. На тэрыторыі SURF вас увесь час суправаджае гід;
- Увосень змантаваць выставу і прачытаць да дзвюх лекцый;
- Правесці падзеі для мясцовай супольнасці — напрыклад, у школах і ўніверсітэтах, даць інтэрв'ю або дакументаваць рэзідэнцыю;
- Перадаць як мінімум адну працу ў пастаянную калекцыю SURF — яе выбірае прадстаўнік(-ца) лабараторыі;
- Самастойна змантаваць і дэмантаваць працы (разам з SURF і выставачнай пляцоўкай);
- Падпісаць з SURF мемарандум (MOU), у якім фіксуюцца таймлайн і чаканні.
Для заяўкі патрэбныя:
- Матывацыйны ліст: чаму вы хочаце стаць рэзідэнтам(-кай) SURF і што можаце прапанаваць лабараторыі;
- Кароткае CV (2–5 старонак);
- 15–20 прац, створаных за апошнія пяць гадоў, са спісам выяваў або іншым спосабам іх ідэнтыфікаваць;
- Прыкладны бюджэт на матэрыялы — калі ён ужо вядомы і перавышае стыпендыю;
- Тры прафесійныя рэкамендацыі з імёнамі і кантактамі.
Усе матэрыялы падаюцца ў фармаце PDF.
Дэдлайн: 1 лістапада 2026 года. Час і часавы пояс не пазначаныя; лабараторыя знаходзіцца ў часавым поясе Mountain Time (MST), таму разлічвайце на канец дня па гэтым часе (≈ 2 лістапада, 07:59 CET) або падавайцеся раней.
Кантакт: Gina Gibson, каардынатарка SURF AiR — SURF_AiR@Sanfordlab.org
Арганізатар: Sanford Underground Research Facility (SURF) у партнёрстве з Black Hills State University.