Writer in the Park 2027 — рэзідэнцыя для пісьменнікаў і пісьменніц
Writer in the Park — міжнародная літаратурная рэзідэнцыя Любляны, якая працуе з 2018 года. Яна дае час і спакой для пісьма і адначасова магчымасць далучыцца да літаратурнага жыцця горада. Рэзідэнты(-кі) жывуць у Švicarija — творчым цэнтры ў парку Tivoli, які ўваходзіць у International Centre of Graphic Arts (MGLC).
Для пісьменнікаў(-ц), якія выдалі хаця б адну мастацкую кнігу — прозу, паэзію або драматургію — на сваёй мове. Творчы нон-фікшн таксама могуць разгледзець, калі тэкст літаратурны, а не акадэмічны, журналісцкі або даведачны.
Галоўная ўмова — рэальная сувязь з адным з іншых гарадоў літаратуры ЮНЕСКА: вы жывеце або доўга жылі ў такім горадзе ці звязаныя з ім праз працу. Гэтую сувязь трэба апісаць у заяўцы.
Што прапануецца:
- 1250 EUR брута — адна сума, у якую ўваходзяць і стыпендыя, і дарожныя выдаткі;
- Асобная абсталяваная кватэра з кухняй у Švicarija, дзе таксама могуць жыць іншыя рэзідэнты(-кі) і праходзіць выставы.
Даты рэзідэнцыі:
- 1–31 сакавіка 2027 года;
- 1–30 лістапада 2027 года.
Кожная рэзідэнцыя доўжыцца месяц. Даты змяніць нельга, але можна прыехаць на карацейшы тэрмін. Дадатковыя ночы арганізатары не аплачваюць, хоць могуць дапамагчы з арганізацыяй.
Для заяўкі патрэбныя:
- Анлайн-форма заяўкі;
- Апісанне вашай сувязі з адным з гарадоў літаратуры ЮНЕСКА;
- Абавязковы рэкамендацыйны ліст, падпісаны арганізацыяй з гэтага горада.
Арганізатар: Ljubljana UNESCO City of Literature разам з MGLC (International Centre of Graphic Arts).