Для каго:

Арганізацыі ў галіне мастацтва і культуры, зарэгістраваныя ў краінах — удзельніцах праграмы Creative Europe (краіны ЕС і шэраг краін па-за ЕС).

• У праекце мінімум два партнёры з дзвюх розных краін, і адзін з іх — з Украіны;
• Украінская арганізацыя павінна быць зарэгістраваная на тэрыторыі, якую фактычна кантралюе ўрад Украіны;
• Асобныя мастакі(-чкі) і фрылансеры(-кі) не могуць падавацца самі — толькі праз арганізацыю-партнёра, якая адпавядае ўмовам;
• Падыходзяць усе творчыя сектары, акрамя аўдыявізуальнага.

Што трэба зрабіць у межах праекта:

• Стварыць і паказаць міжнародную сумесную працу на тэму ўстойлівасці;
• Правесці публічны паказ у мясцовасці кожнага партнёра — мінімум два, у тым ліку ва Украіне;
• Укласціся ў тэрмін — да 7 месяцаў у межах перыяду з лютага да жніўня 2027 года.

Што прапануецца:

• Грант да 25 000 EUR, які пакрывае да 90% выдаткаў праекта (агульны бюджэт набору — 187 500 EUR, плануюць падтрымаць 7–10 праектаў);
• Выплаты: 70% — пасля падпісання дамовы, астатняе — пасля зацвярджэння справаздачы.

Гэта бюджэт праекта для арганізацый-партнёраў, а не асабістая выплата. Суфінансаванне абавязковае — не менш за 10% агульнага бюджэту праекта.

Што можа пакрывацца:

Па фіксаваных стаўках (незалежна ад рэальных выдаткаў):

• Ганарар за мастацкую працу — 75 EUR на чалавека ў дзень;
• Дарога — 350 EUR за паездку туды і назад;
• Мясцовая дарога (напрыклад, на трэнінгі) — 65 EUR за паездку туды і назад;
• Дадаткова 300 EUR за «зялёную» паездку — больш за 600 км у адзін бок не самалётам;
• Пражыванне і суткавыя — 75 EUR за ноч;
• Віза, калі патрэбная, — 80 EUR.

Паводле фактычных выдаткаў:

• Перавозка абсталявання, у тым ліку страхоўка;
• Матэрыялы і абсталяванне (толькі амартызацыя);
• Паслугі для рэалізацыі праекта: вытворчасць, арэнда абсталявання і памяшканняў для падзей;
• Камунікацыя, маркетынг і дакументацыя;
• Кіраванне і адміністраванне — да 20% агульнага бюджэту (грант разам з уласным унёскам).

Умовы:

• Усе выдаткі — толькі пасля падпісання дамовы і ў межах перыяду рэалізацыі;
• Падвойнае фінансаванне з бюджэту ЕС забаронена;
• Абавязкова выконваць патрабаванні ЕС да брэндынгу і бачнасці;
• Бюджэт ацэняць на эфектыўнасць і рэалістычнасць і могуць скарэктаваць перад падпісаннем дамовы.

Крытэрыі ацэнкі:

• Адпаведнасць мэтам набору і патэнцыял праекта для міжкультурнага дыялогу;
• Якасць: улік скразных тэм (лічбавізацыя, экалогія, інклюзія) і даступнасці, роўныя ролі партнёраў, маштаб — колькасць гледачоў і мясцовых паказаў;
• Уплыў і ўстойлівасць, у тым ліку планы на будучыя паказы.

Спачатку заяўкі праходзяць тэхнічную праверку, потым кожную ацэньваюць два незалежныя эксперты(-ткі). Канчатковае рашэнне прымае адборачная камісія з улікам геаграфічнай, сектаральнай і тэматычнай разнастайнасці. Індывідуальнага фідбэку не будзе, рашэнні канчатковыя.

Для заяўкі патрэбныя (PDF ад кожнага партнёра):

• Гарантыйны ліст па шаблоне, падпісаны кіраўніком(-цай) арганізацыі;
• Рэгістрацыйныя дакументы (для ўкраінскіх арганізацый — поўная выпіска з Адзінага дзяржаўнага рэестра, датаваная пасля 5 кастрычніка 2026 года);
• Статут або аналагічны дакумент — усе старонкі, з перакладам на англійскую, калі арыгінал на іншай мове;
• Форма заяўкі і бюджэт — запаўняюцца на платформе.

Мова заяўкі — англійская. Падае адзін вядучы заяўнік ад імя ўсяго партнёрства.

Дэдлайн: 4 снежня 2026 года, 23:59 па кіеўскім часе / 22:59 CET.

Таймлайн:

• Ацэнка заявак — снежань 2026 года;
• Вынікі — студзень 2027 года;
• Падпісанне дамоў — люты 2027 года;
• Рэалізацыя — люты–жнівень 2027 года.

Інфармацыйныя вэбінары:

• Па-ўкраінску — 27 кастрычніка 2026 года, 13:00 па Кіеве / 12:00 CET (рэгістрацыя);
• Па-англійску — 3 лістапада 2026 года, 14:00 па Кіеве / 13:00 CET (рэгістрацыя).

Кантакт: hi@zmina.eu — адказваюць цягам двух працоўных дзён.

Арганізатары:

IZOLYATSIA Foundation (Украіна), Malý Berlín (Славакія) з удзелам Trans Europe Halles (Швецыя). Праект суфінансуе Еўрапейскі саюз.