Для каго:

Арганізацыі ў галіне мастацтва і культуры, зарэгістраваныя ў краінах — удзельніцах праграмы Creative Europe (краіны ЕС і шэраг краін па-за ЕС). Падаецца партнёрства:

• Мінімум дзве арганізацыі з дзвюх розных краін, адна з іх — з Украіны;
• Украінская арганізацыя павінна быць зарэгістраваная на тэрыторыі, якую кантралюе ўрад Украіны;
• Падавацца могуць толькі юрыдычныя асобы — асобныя мастакі(-чкі) і індывідуальныя прадпрымальнікі(-цы) не могуць;
• Падыходзяць усе сектары культуры і мастацтва, акрамя аўдыявізуальнага.

Што трэба зрабіць у межах праекта:

• Правесці не менш за 6 публічных паказаў — мінімум па 3 у кожнай з мінімум дзвюх краін, адна з якіх — Украіна;
• Паказы не могуць адбывацца ў горадзе, дзе арганізацыя-заяўнік зарэгістраваная або фактычна працуе;
• Анлайн- і гібрыдны фармат дапускаецца толькі для паказаў ва Украіне, у іншых краінах — толькі ўжывую;
• Партнёрства мусіць быць сапраўды раўнапраўным: партнёры адыгрываюць супастаўныя ролі і працуюць з публікай у кожнай краіне;
• Рэалізаваць праект цягам да 7 месяцаў пасля падпісання дамовы;
• Падаць змястоўную і фінансавую справаздачы.

Што прапануецца:

• Грант да 50 000 EUR на адаптацыю і гастролі праекта — да 90% агульнага бюджэту. Агульны бюджэт кірунку — 950 000 EUR, плануюць падтрымаць 19–25 праектаў;
• Выплаты: 70% — пасля падпісання дамовы, 30% — пасля зацвярджэння фінальных справаздач.

Як размеркаваць грант паміж партнёрамі, вырашае само партнёрства. Суфінансаванне абавязковае — не менш за 10% бюджэту і толькі грашыма (унёсак у натуральнай форме не залічваецца).

Што можа пакрывацца:

Па фіксаваных стаўках:

• Ганарар за мастацкую працу — 75 EUR на чалавека ў дзень;
• Міжнародная дарога — 350 EUR за паездку туды і назад;
• Мясцовая дарога — 65 EUR за паездку туды і назад;
• «Зялёная» паездка — 300 EUR;
• Пражыванне і суткавыя — 75 EUR за ноч;
• Віза — 80 EUR.

Паводле фактычных выдаткаў:

• Перавозка абсталявання;
• Матэрыялы і абсталяванне (толькі амартызацыя);
• Паслугі, патрэбныя для рэалізацыі праекта;
• Камунікацыя і маркетынг;
• Кіраванне і адміністраванне — да 20% агульнага бюджэту.

Умовы:

• Выдаткі, зробленыя да падпісання дамовы, не пакрываюцца;
• Падвойнае фінансаванне з бюджэту ЕС забаронена.

Крытэрыі ацэнкі:

• Адпаведнасць мэтам набору;
• Якасць партнёрства і ўлік скразных тэм — лічбавізацыі, экалогіі, інклюзіі;
• Уплыў і ўстойлівасць праекта;
• Маштаб працы з аўдыторыяй.

Спачатку заяўкі праходзяць тэхнічную праверку, потым кожную ацэньваюць два незалежныя эксперты(-ткі). Канчатковае рашэнне прымае адборачная камісія.

Для заяўкі патрэбныя (ад кожнага партнёра):

• Гарантыйны ліст па шаблоне, падпісаны кіраўніком(-цай) арганізацыі;
• Рэгістрацыйныя дакументы: для ўкраінскіх арганізацый — поўная выпіска з Адзінага дзяржаўнага рэестра, датаваная пасля аб'явы набору; для астатніх — нацыянальныя рэгістрацыйныя дакументы з перакладам на англійскую, калі ён патрэбны;
• Статут або аналагічны дакумент — усе старонкі;
• Форма заяўкі і бюджэт — запаўняюцца на платформе.

Мова заяўкі — англійская. Падае адзін вядучы заяўнік ад імя ўсяго партнёрства.

Дэдлайн: 14 снежня 2026 года, 23:59 па кіеўскім часе / 22:59 CET.

Тэхнічная і экспертная ацэнка — прыкладна праз месяц пасля дэдлайну, вынікі і падпісанне дамоваў — прыкладна праз два месяцы. Пасля гэтага на рэалізацыю ёсць да 7 месяцаў.

Кансультацыі і пошук партнёраў:

• Анлайн-кансультацыі — штоаўторак а 11:00 па кіеўскім часе;
• Matchmaking-сесія для пошуку партнёраў — 14 кастрычніка 2026 года, 14:00 па кіеўскім часе / 13:00 CEST;
• Партнёраў таксама можна шукаць праз Matchmaking tool.

Кантакт: hi@zmina.eu — адказваюць цягам двух працоўных дзён.

Арганізатары: IZOLYATSIA Foundation (Украіна), Malý Berlín (Славакія) з удзелам Trans Europe Halles (Швецыя). Праект суфінансуе Еўрапейскі саюз.