Для каго:

Мастакі(-чкі) і культурныя прафесіяналы(-кі) ад 18 гадоў, якія легальна жывуць у адной з краін Creative Europe і працуюць у галіне архітэктуры, культурнай спадчыны, дызайну і дызайну адзення, літаратуры, музыкі, сцэнічных мастацтваў або візуальных мастацтваў. Пэўны ўзровень прафесійнага досведу не патрабуецца.

• Падавацца можна індывідуальна або групай да 5 чалавек;
• Абавязкова патрэбны міжнародны партнёр (асоба або арганізацыя) у краіне, куды вы едзеце.

Фармат:

• Індывідуальная мабільнасць — ад 7 да 60 дзён;
• Групавая мабільнасць — ад 7 да 21 дня.

Што прапануецца:

• Суткавыя 85 EUR за кожны дзень праекта;
• На дарогу — 400 EUR (адлегласць да 5000 км) або 800 EUR (ад 5000 км);
• Дадаткова за экалагічную дарогу — 400 EUR;
• Дадаткова на візу — 120 EUR;
• Дадаткова для бацькоў — 200 EUR на кожнае дзіця да 18 гадоў;
• Дадаткова для заяўнікаў(-ц) з заморскіх і аддаленых рэгіёнаў ЕС або тых, хто едзе туды, — 175 EUR;
• Падтрымка даступнасці — 30 EUR у дзень, а таксама дадатковыя выдаткі на асабістага асістэнта(-ку) або перакладчыка(-цу).

Для заяўкі патрэбныя:

• Афіцыйны дакумент, які сведчыць асобу;
• Пацвярджэнне легальнага пражывання ў краіне Creative Europe;
• Кароткае CV;
• Мастацкае партфоліа;
• Запрашальны ліст ад міжнароднага партнёра.

Дэдлайн:

Набор ідзе з 1 кастрычніка 2026 года па 30 красавіка 2027 года, заяўкі разглядаюцца пасля кожнага штомесячнага дэдлайну:

• 31 кастрычніка 2026 года;
• 30 лістапада 2026 года;
• 31 студзеня 2027 года;
• 28 лютага 2027 года;
• 31 сакавіка 2027 года;
• 30 красавіка 2027 года.

Вынік прыходзіць праз Goethe-Application Portal не пазней як праз 8 тыдняў пасля адпаведнага дэдлайну.

Як падавацца:

Зарэгіструйцеся ў Goethe-Application Portal як «individual», запоўніце форму па-англійску, захавайце чарнавік і адпраўце заяўку. Спасылка на партал, дакумент набору, FAQ і відэаінструкцыі — на старонцы праграмы.

Кантакт: culturemoveseurope@goethe.de

Арганізатар: Еўрапейская камісія (праграма Creative Europe) і Goethe-Institut.