Museum of Homeland збірае віртуальную калекцыю асабістых аб’ектаў, звязаных з міграцыяй. Арганізатары запрашаюць даслаць фота прадмета, які вы ўзялі з сабой пры пераездзе, і кароткую гісторыю пра яго. Можна даслаць адзін аб’ект або невялікую групу звязаных паміж сабой прадметаў, калі іх аб’ядноўвае адна гісторыя.

Што трэба даслаць:

• 1–5 якасных фота аб’екта ў добрым святле, пажадана на светлым аднатонным фоне;
• Па магчымасці — у гарызантальным фармаце;
• Прафесійная здымка не патрабуецца, падыдуць фота з тэлефона;
• Кароткі тэкст пра аб’ект: што гэта, чаму вы ўзялі яго з сабой, якую памяць ён захоўвае;
• Імя або ініцыялы, калі хочаце быць пазначанымі;
• Можна ўдзельнічаць ананімна;
• Горад і год пераезду — па жаданні.

Умовы:

• Тэкст можа быць ад 3–4 сказаў да кароткай гісторыі. Пісаць літаратурна не абавязкова — важныя сама гісторыя і асабістая сувязь з аб’ектам.
• Тэксты можна дасылаць на любой мове. Пры неабходнасці арганізатары могуць дапамагчы з перакладам для публікацыі.
• Арганізатары могуць лёгка адрэдагаваць тэкст — напрыклад, выправіць памылкі або крыху скараціць яго без змены сэнсу.
• Падаючы матэрыялы, удзельнік(-ца) дазваляе апублікаваць фота і тэкст на сайце Museum of Homeland і звязаных анлайн-платформах, а таксама выкарыстоўваць іх у межах праекта: на сайце, у сацсетках і ў прэзентацыях, звязаных з выставай.
• Матэрыялы не выкарыстоўваюцца ў камерцыйных мэтах і не перадаюцца трэцім асобам.

Museum of Homeland цяпер існуе як незалежная некамерцыйная ініцыятыва і не выплочвае ганарары або фінансавую кампенсацыю.

Заяўкі разглядаюцца пастаянна, звычайна адказ прыходзіць цягам 1–2 тыдняў. Матэрыялы дасылаць на museum.der.heimat@gmail.com.