Адкрыты збор заявак на другі сезон Перакладчыцкай майстэрні

Падрабязнасці

By Рэдакцыя

Рэдакцыя

снежня 24

Праглядаў: 27

Беларускі ПЭН анансаваў збор заявак на другі сезон Перакладчыцкай майстэрні. 

Перакладчыцкая майстэрня – гэта прастора, дзе перакладчыкі і перакладчыцы мастацкай літаратуры збіраюцца разам, дзеляцца спробамі перакладу, абмяркоўваюць узніклыя праблемы і, знаходзячы рашэнні, набываюць неабходныя ў сваёй працы веды і навыкі.

Майстэрня займаецца перакладамі на беларускую мову з любой мовы і ў любым жанры (падборка вершаў, апавяданне, эсэ, фрагмент рамана, нон-фікшн і гэтак далей). Удзельнікамі і ўдзельніцамі праекта штораз стаюць як дэбютанткі і дэбютанты, так і спецыяльна запрошаныя майстры і майстрыні, якія дзеляцца сваім творчым досведам.

Вядоўца – паэт і перакладчык Андрэй Хадановіч.

Сярод гасцей майстэрні – польская перакладчыца Яанна Бэрнатовіч, паэтка і перакладчыца Наста Кудасава, перакладчык Сяргей Сматрычэнка.

Дзеля бяспекі можна ўдзельнічаць пад псеўданімам.

Умовы ўдзелу:

• Тэкст перакладу (або некалькі) і зыходны тэкст, з якога вы перакладалі
• Матывацыйны ліст
• Прыярытэт у заявак з перакладамі.

Даты правядзення: 23 студзеня — 3 красавіка, раз на тыдзень чацвяргамі, 19:00 — 21:00 (беларускага часу).

Лакацыя: анлайн (платформа ZOOM).

Дэдлайн: 6 студзеня.

Падаць заяўку