Анлайн-летнік для дзяцей і падлеткаў "Палескі рабінзоны і рабінзонкі"

Падрабязнасці

By Рэдакцыя

Рэдакцыя

сакавіка 26

Праглядаў: 24

Палескія Рабінзоны і Рабінзонкі запрашаюць дзяцей і падлеткаў далучыцца да анлайн-летніка, прысвечанага сучаснай беларускай культуры.

У новым фармаце аўтары летніка паспрабуюць разам з вамі даследаваць, як беларуская літаратура, музыка, тэатр і мастацтва адлюстроўваюць сучаснасць, а магчыма, вы самі будзеце часткай гэтага творчага працэсу.

Дэталі мерапрыемства:

• Запрашаюцца беларускія падлеткі 10 — 15 год
  
  
• Вы можаце далучыцца да ўсіх дзён або выбраць толькі адзін з заняткаў
  
  
• Удзел бясплатны, але вітаюцца данаты на развіццё праекта.

Праграма летніка:

• 28 сакавіка, 18:00 — 20:00 па Менскім часе. "Кнігі, якія зачароўваюць".
  
  Што чытаюць беларускія падлеткі?  Якія сучасныя кнігі маглі б стаць асновай для кінастужкі? Хто з сучасных аўтарак стварае гісторыі, што застануцца ў памяці? Вы не толькі адкрыеце для сябе яскравыя імёны сучаснай беларускай літаратуры, але і самі паспрабуеце напісаць нешта неверагоднае. Магчыма, менавіта вы — будучая Людміла Рублеўская ці Валер Гапееў?
  
  
• 29 сакавіка, 11:00 — 13:00 па Менскім часе.  "Усё наша жыццё — сцэна".
  
  Беларускі тэатр сёння — гэта больш, чым проста спектаклі. Гэта смелыя пастаноўкі, унікальныя формы і музычныя эксперыменты. Дзе знайсці сапраўднае тэатральнае мастацтва? Як музыка змяняе глядацкі досвед? І што адчувае акцёр/акторка, калі выходзяць на сцэну? 
  
  
• 30 сакавіка, 11:00 — 13:00 па Менскім часе. "Беларусь з пэнзлікам".
  
  Як выглядае сучаснае беларускае мастацтва? Што натхняе маладых мастакоў і мастачак? Вы заглыбіцеся ў свет візуальнай творчасці, разгледзіце знакавыя працы і нават створыце сваю ўласную карціну.

Даты правядзення: 28 — 30 сакавіка, 2 гадзіны штодня.

Зарэгістравацца