Монаспектакль "Страта" ў тэхніцы ready-made у Варшаве

драматургія

Падрабязнасці: By Рэдакцыя; студзеня 27; Праглядаў: 32

Лакацыя: Польшча local
Тып мерапрыемства: спектаклі
Дата правядзення: 09.02.2025, 20:00

Тутэйшы тэатр запрашае на Монаспектакль "Страта" ў тэхніцы ready-made.

Аўтар, актор, рэжысёр: Андрэй Саўчанка.

Святло і праекцыі: Даніла Ганчароў і Сяржук Голік.

Гук: Эрык Арлоў-Шымкус.

Мадэрацыя абмеркавання: Анастасія Каплан.

Мова: беларуская.

Аднойчы рэжысёр Андрэй Саўчанка знайшоў ля дваровага гарадскога сметніка старую валізку, ў якой апынуўся стос разарваных фатаздымкаў. Чыйсьці сямейны архіў. Далейшае жыццё знаходкі — ў першай гісторыі "Памяць". Другая частка, "Дом", — гісторыя пра дзедаўскі маёнтак, спалены маланкай.

Асновай тэхнікі ready-made, у якой пастаўлены спектакль, з'яўляецца трансфармацыя ўтылітарных рэчаў у твор мастацтва і пошук іх новага жыцця. Так, валізка з фатаграфіямі і элементы-артэфакты сельскай хаты, якія ўдалося перавезці ў Варшаву, жывуць і ўтрымліваюць памяць на сцэне.

"Я хачу распавесці вам некалькі гісторый стратаў. Або пра страты гэтых гісторый…", "Для мяне важна, істотна не пакінуць страты незаўважанымі, не ўцякаць ад іх, а сустрэцца з імі, пражыць іх і праз гэты працэс вызваліцца ад іх путаў, даць сабе дазвол жыць і ствараць далей", — Андрэй Саўчанка.