Анлайн-курсы на польскай мове ад Вольнага Беларускага Ўніверсітэта

Падрабязнасці

By Рэдакцыя

Рэдакцыя

кастрычніка 24

Праглядаў: 20

Вольны Беларускі Ўніверсітэт аб'яўляе набор на 8 міні-курсаў на польскай мове, якія ахопліваюць самыя актуальныя тэмы ў сферы бяспекі, кіравання, новых тэхналогій і камунікацый. 

• Дэзінфармацыя і бяспека:
  
  Вы даведайцеся, як дэзінфармацыя ўплывае на бяспеку і інфармацыйную прастору. Курс уключае тэмы fact-checking, аналіз fake news і deep fake, а таксама барацьбу з дэзінфармацыяй на міжнароднай арэне. Вы прааналізуеце інфармацыйныя войны з пункту гледжання супрацьстаяння ў сацыяльных сетках, як, напрыклад, паміж расійскімі "тролямі" і "кібер-эльфамі".
  
  Рэгістрацыя
  
  
• Бізнес-прэзентацыі:
  
  Вы навучыцеся ствараць пераканаўчыя прэзентацыі ў бізнес-асяроддзі. Курс ахоплівае як візуальныя, так і змястоўныя аспекты прэзентацый, выкарыстанне інструментаў кшталту PowerPoint і Canva, а таксама тэхнікі публічных выступаў. Навучыцеся эфектыўна прадстаўляць свае ідэі і засвоіце Elevator Pitch - новы від кароткіх бізнес-прэзентацый.
  
  Рэгістрацыя
  
  
• Штучны інтэлект і віртуальная рэальнасць у камунікацыі:
  
  Вывучыце прававыя аспекты ШІ, алгарытмы і мадэлі, а таксама іх уплыў на медыя і камунікацыі. Таксама курс ахоплівае метады аналізу і ацэнкі эфектыўнасці выкарыстання ШІ ў віртуальных камунікацыях.
  
  Рэгістрацыя
  
  
• Fact-checking:
  
  Гэты курс прызначаны для тых, хто працуе з інфармацыяй і медыя. Вы навучыцеся правяраць дакладнасць інфармацыі, метады распазнання дэзінфармацыі і тэхнікі барацьбы з распаўсюджваннем фэйкавых навін.
  
  Рэгістрацыя
  
  
• Імідж у інтэрнэце:
  
  Даведайцеся як фармаваць і абараняць свой імідж у інтэрнэце. Курс ахоплівае тэмы стварэння асабістага і карпаратыўнага брэнда, абароны рэпутацыі, а таксама ролю сацыяльных медыя ў кіраванні іміджам. Разгледзіце IT-бяспеку ў кантэксце стварэння станоўчага вобразу ў сеціве.
  
  Рэгістрацыя
  
  
• Кіраванне камандай:
  
  Курс па стварэнню эфектыўных каманд і лідарства. Вы навучыцеся фармаваць паспяховыя каманды, распрацоўваць стратэгіі развіцця, аналізаваць дынаміку працы як маленькіх, так і вялікіх калектываў. Адмысловая ўвага нададзена псіхалогіі групавой працы і пераадоленню цяжкасцяў у каманднай дзейнасці.
  
  Рэгістрацыя
  
  
• Сістэмы міжнароднай бяспекі:
  
  Курс ахоплівае тэмы калектыўнай бяспекі, актыўных недзяржаўных гульцоў у сістэме міжнароднай бяспекі і ваеннага супрацоўніцтва ў Еўропе.
  
  Рэгістрацыя 
  
  
• Міжнародная энергетычная бяспека:
  
  Разуменне энергетычнай бяспекі ў кантэксце міжнародных адносін. Вы вывучыце трансфармацыю энергетычнай палітыкі, ролю новых тэхналогій і міжнародных канфліктаў, звязаных з рэсурсамі.
  
  Рэгістрацыя 
  
  

Дэдлайн: 11 лістапада.

Дзе: анлайн.

Калі: 14  —  30 лістапада.