Прэзентацыя ROY.PASS - новага сервіса для арганізацыі бяспечных івэнтаў

Падрабязнасці

By Рэдакцыя

Рэдакцыя

жніўня 14

Праглядаў: 35

Каманда беларускіх распрацоўшчыкаў з гонарам аб'яўляе запуск ROY.PASS — інавацыйнага і бясплатнага сэрвісу для бяспечнай рэгістрацыі на мерапрыемствы. ROY.PASS прапануе арганізатарам мерапрыемстваў і іх удзельнікам рашэнне, якое спалучае зручнасць выкарыстання і высокі ўзровень абароны асабістых даных.

У сучасным свеце, дзе лічбавая бяспека становіцца ўсё больш важнай, ROY.PASS забяспечвае надзейную абарону асабістых дадзеных удзельнікаў мерапрыемстваў. Сэрвіс збірае інфармацыю, неабходную для рэгістрацыі, шыфруе яе асіметрычным шыфраваннем і адпраўляе адзін з ключоў шыфравання ў выглядзе QR-кода непасрэдна ўдзельніку. Другі ключ знаходзіцца ў адміністратара мерапрыемства і выкарыстоўваецца для верыфікацыі ўдзельнікаў на ўваходзе.

Асноўныя перавагі ROY.PASS:

- Шыфраванне дадзеных: Асабістая інфармацыя ўдзельнікаў надзейна зашыфравана і не захоўваецца ў адкрытым выглядзе.

- Хуткая і зручная рэгістрацыя. Удзельнікі атрымліваюць QR-код, які можна лёгка і хутка праверыць, адсканаваўшы на ўваходзе.

- Адсутнасць спісаў і анкет: Даныя ўдзельніка захоўваюцца ў зашыфраваным выглядзе, а ключ захоўваецца асобна, на прыладзе самога ўдзельніка, што выключае любую магчымасць уцечкі інфармацыі.

- Выключэнне выпадковых людзей: Толькі зарэгістраваныя ўдзельнікі атрымліваюць доступ да мерапрыемства.

Чаму ROY.PASS проста і зручна выкарыстоўваць?

Сервіс створаны для зручнасці як арганізатараў, так і ўдзельнікаў мерапрыемстваў. Публікацыя і кіраванне падзеямі ажыццяўляецца праз інтуітыўна зразумелы інтэрфейс, а працэс рэгістрацыі займае ўсяго некалькі хвілін. Прадукт інтэграваны з Telegram і платформай ROY.TEAM для зручнасці карыстальнікаў.

Сервіс можна пратэсціць! 

Каманда ROY.PASS запрашае ўсіх зацікаўленых арганізатараў і распрацоўшчыкаў на адкрытую прэзентацыю сэрвісу, дзе можна будзе задаць пытанні распрацоўшчыкам і даведацца пра магчымасці выкарыстання ROY.TEAM для стварэння бяспечных мерапрыемстваў.

Дата: 20 жніўня 2024. 

Пачатак: 18.00 CET / 19:00 Мінск. 

Платформа і спасылка:  zoom.

Прадукт  распрацаваны ў межах праекта ImagineY пры частковай фінансавай падтрымцы Еўрапейскага Саюза.