- Падрабязнасці
- By Рэдакцыя
- Праглядаў: 8
“Пульс. Як адна поп-песня дае надзею Усходняй Еўропе” (Polsslag. Hoe een popsong Oost-Europa hoop geeft) выйшла ў нідэрландскім выдавецтве De Bezige Bij. Пра гэта паведамляе Reform.news.
Кнігу напісаў Петэр Вермеерш (Peter Vermeersch) — пісьменнік і прафесар паліталогіі ў Левенскім каталіцкім універсітэце. У вольны час Петэр таксама захапляецца музыкай.
Адны з герояў кнігі — музыканты гурта Irdorath. Аўтар распавядае пра тое, як музыкі гралі на дудах “Перамен!” падчас пратэстаў, пра рэпрэсіі, іх вызваленне і эміграцыю. У гісторыі згадваюцца і “дыджэі пераменаў”, які ўключылі песню Віктара Цоя на перадвыбарным мітынгу ў 2020-м.
На сайце кнігі аўтар падабраў і саўндтрэк да свайго выдання. У плееры можна знайсці згаданую “Перамен!”, “Па трамвайных рэйках” Янкі Дзягілевай, але прыстойную частку там складаюць беларускія хіты: “Правілы” Nizkiz, Belarus Freedom “Ляпіса Трубяцкога”, “Баю-Бай” “Дай дарогу!”, “Тры чарапахі” Лявона Вольскага, “Муры” ў выкананні “Вольнага хору” і іншыя песні пратэсту.
Набыць кнігу “Пульс. Як адна поп-песня дае надзею Усходняй Еўропе” можна анлайн.
