- Падрабязнасці
- By Рэдакцыя
- Праглядаў: 34
У кароткі спіс за 2022 год патрапілі зборнікі Альгерда Бахарэвіча, Насты Кудасавай і Вальжыны Морт, а за 2023-ці — Валянціны Аксак, Марыі Бадзей і Ганны Шакель.
Пераможцай прэміі за 2022 год стала Наста Кудасава з кнігай “Побач” (выдавецкая ініцыятыва “Skarynyčy”).
“Цяпер, калі пісаць становіцца ўсё цяжэй, калі губляеш словы і страчваеш голас, такія моманты ўздымаюць крылы”, — падзякавала арганізатарам прэміі Наста.
Пераможцай прэміі за 2023 год стала Ганна Шакель з кнігай “Цела мігдалу” (выдавецкая ініцыятыва “Вільма“).
Таксама была абвешчана ўзнагарода за 2021 год, якая раней не афішавалася з прычын бяспекі аўтаркі, якая тады жыла ў Беларусі. Ёй стала Дар’я Бялькевіч з дэбютнай кнігай “Слёзы на вецер”.
Арганізатары прэміі, заснаванай у гонар паэткі Наталлі Арсенневай — Беларускі ПЭН і Міжнародны саюз беларускіх пісьменнікаў.
